أكد فاروق جعفر، المرشح لمنصب رئاسة نادي الزمالك، في سباق الانتخابات المقبل، مساء اليوم الإثنين، بأنه يريد تحسين وضع القلعة البيضاء وأنها ليست حرب بين المرشحين.
وقال في تصريحات خاصة لـ «ملاعب المصري اليوم»: “أنا بمثل قائمة معنا نستطيع، وبحاول نوقف النادي من جديد، ونحل كل المشاكل، وتحاسبني بعد ما انجح في الانتخابات”.
- الإعلانات -
اقرأ أيضًا
- الإعلانات -
بيرسي تاو يعتذر عن الانضمام لمعسكر منتخب جنوب إفريقيا
وتابع: “إحنا مش بنتكلم إحنا بنشتغل، وزي اللي ولدوا في نادي الزمالك وعملنا شعبية كويسة داخل الأبيض”.
وأضاف: “مش عاوزين نقعد نحارب في بعض ولكن إحنا داخلين علشان نوقف النادي من جديد”.
وأردف: “إحنا ناس مسالمة في الحق وبنتدخل إنتخابات محترفة والدولة بتشرف عليها”.
وزاد: “إحنا مش بنحارب ولا بندور على كراسي ولكن يهمني النادي في المقام الأول، وإنا أكتر واحد يعرف نادي الزمالك من سنة 63”.
وواصل فاروق جعفر: “أتمنى إننا نشوف مصلحة النادي أولى من وضع اللافتات والدعاية في الشارع”.
وصرح: “وأشوف مشاكل النادي من مرتبات العمال وحمامات السباحة، وكل المشاكل الموجودة بالنادي أولى بالصرف على الإعلانات”.
واستمر: “دايمًا ما تؤدي الخلافات إلى وقوع الأندية مثل الأندية الشعبية وإحنا مش عاوزين نبقى زيهم وعاوزين نبقى نادي قوي زي النادي الأهلي، ولا يبقى في خلافات شخصية ولا مادية”.
واختتم: “نادي الزمالك قلعة رياضية لها تاريخ عريق، ونريد أن نكون مثل النادي الأهلي الذي يقوم على أبناءه مثل صالح سليم وهما اللي شغالين بشكل محترم”.