«قال الكلام اللي الناس عاوزة تقوله».. تعليق ناري من شوبير على فيديو صلاح لدعم فلسطين

علق الإعلامي أحمد شوبير، على فيديو الذي نشره محمد صلاح، نجم نادي ليفربول الإنجليزي، الذي أعلن من خلاله دعمه لقطاع غزة، مطالبًا بوقف الحرب وتقديم المساعدات لهم.

وقال شوبير، في تصريحات إذاعية: “محمد صلاح، كان عقلاني في رسالته وقال الكلام اللي الناس عاوزة تقوله، مش مطلوب من محمد صلاح، يمسك بندقية ويروح يحارب، كل واحد بيحارب بطريقته وأسلوبه، تبرع مادي عمل، فيديو طلع واتكلم والفيديو تخطى 72 مليون مشاهدة”.

طالع أيضًا: «شاور عالوجع».. خبير يحلل لغة جسد محمد صلاح في فيديو دعم فلسطين (خاص)

وأضاف: “اذا كنا احنا مش هنساند محمد صلاح، ونقف في ضهره مش هيبقى في محمد صلاح، انت بتعمل ده كله عشان عندك محمد صلاح، فانت عاوز تلغي يبقى عندك حد بالقوة دي والتأثير ده، لازم نخلي بالنا”.

وتابع: “محمد صلاح اتبرع وعمل فيديو واتكلم وفقًا للظروف والحدود اللي هو فيها، الراجل كتر خيره وهو واجهة مصرية عربية افريقية مشرفة “.

وأكمل: “يعمل إيه صلاح، اكتر من كده، كتر خيره كفيت ووفيت يا صلاح، وعملت فيديو وقولت رسايل واتكلمت عن العنف والوحشية وتوقف المجزار”.

وواصل: “صلاح، اتكلم على العائلات اللي بتتقطع أواصرها والدعم الإنساني وان غزة تمر بأوضاع مزرية وطالب قادة العالم بالتكاتف لمنع وقوع مزيد من الضحايا والإنسانية يجب أن تسود، هذه رسالة عاقلة محترمة، مش مطالب منه يشيل بندقية على كتفه ولا دبابة مش دوره، دوره الكلمة العاقلة، قالها في حدود ما يسمح به النظام اللي هو عايش فيه، بنزيما طلع قال كلمتين وزير الداخلية في فرنسا والنواب طالبوا بسحب الجنسية منه، يوسف عطال، قال كلمتين منعوه من التدريب في نيس الفرنسي، أنور الغازي، ناديه أوقفه “.

وأتم:”محمد صلاح، قال كلمة موزونة وكلام عاقل ومحترم جدًا، ووجه رسالة للعالم أجمع، كفاية بقى هو أي حاجة مصرية منورة ، لازم يتم التشكيك فيها !”.