نشر الدولي المصري أحمد حسن كوكا، لاعب فريق بينديك التركي، رسالة دعم جديدة للقضية الفلسطينية، في ظل الجرائم والمجازر المتواصلة المرتكبة من جيش العدوان الإسرائيلي.
ونشر كوكا صورته مرتديًا الوشاح الفلسطيني، عبر حسابه الرسمي بموقع التواصل الاجتماعي (x)، مصحوبة برسالة قوية.
- الإعلانات -
وكتب كوكا: «بنصحى كل يوم نروح شغلنا مُجبرين عشان أهالينا وأولادنا اللي مسؤولين عنهم وقلوبنا فيها ألم ووجع على أحبابنا وأخواتنا في فلسطين، في كل ثانية بتمر خبر جديد أبشع من اللي قبله».
- الإعلانات -
وأضاف: «بنتصور إن خلاص مفيش أوحش من كده ممكن يحصل، بس مابنستناش كتير ونلاقي اللي أبشع منه، اعتقد إن بعد ما قصفت إسرائيل المستشفى والمدرسة والكنيسة وكل شيء محرم، ضاربة بالقوانين الدولية عرض الحائط، بدأت بعض الناس تستوعب إن ليس لديهم قلب ولا رحمة.. بدأت تتغير الأراء، لإن بجد صعب جدًا إن يقف شخص في صف كل الشيطانية دي».
وتابع كوكا: «أب بيشيل عياله أو أعضاء من عياله في كيس بلاستيك، أجسام من غير رؤوس، كل الوحشية دي ولسه مفيش حاجه توقفهم لحد اللحظة دي وبرغم قساوة كل اللي فات، ولسه كتير من المجتمع الغربي لا يستنكر أصلا إلى بيحصل، خلاص كلام بلغتهم مالوش لازمة عشان كل حاجة واضحة».
طالع أيضًا: «قلوبنا وعقولنا مفتوحة للجميع».. أول بيان من حسين لبيب بعد فوزه برئاسة الزمالك
وأكمل: «ليه احنا كعرب مانتحدش؟ انتم متخيلين قوة كل دولة عربية؟ انتم متخيلين لو كل الدول العربية تصدوا لأي عدوان على أي دولة عربية؟».
واحتتم كوكا رسالته، قائلًا: «ممكن تكون فيه أبعاد سياسية تانية أنا مش فاهمها، وممكن كمان يكون تخيلي دا قاصر، لكن اللي أعرفه إن الاتحاد قوة، والقوي هو اللي بيتعمل له حساب».
بنصحى كل يوم نروح شغلنا مُجبرين عشان أهالينا وأولادنا اللي مسؤولين عنهم وقلوبنا فيها ألم ووجع علي أحبابنا وأخواتنا في فلسطين ، في كل ثانية بتمر خبر جديد أبشع من اللي قبله ، بنتصور إن خلاص مفيش أوحش من كده ممكن يحصل ، بس مابنستناش كتير ونلاقي اللي أبشع منه، اعتقد إن بعد ما قصفت… pic.twitter.com/omrQLrm21i
— Ahmed Hassan Kouka (@HassanKouka) October 21, 2023